Bancome isibindi sobelingisa kwiScandal osetohoza esitolo
Kwethuse abaningi ukubonakala komlingisi obedlala kuScandal uLerato Nxumalo, eveza ukuthi usesebenza esitolo sokudla.
UNxumalo ubeka izinto ngononina emashalofini phesheya kwezilwandle eSweden.
Uveze ukuthi uhola imali enhle ewu R20 000 ezinsukwini ezimbili.
Le ntokazi edabuka KwaMashu neyayilingisa indawo kaPhakamile Mdletshe kulo mdlalo wakwa-etv, yenameke izithombe zakhe ku- Instagram
Ubegqoke umfaniswano wasemebenzini imatasa ibeka itiye ne-coffee emashalofini e-ICA Gruppen.
Ubhale kanje: “Ngaze ngafika kusanesikhathi emsebenzini. Kungenzeka ngizitholele nokukhushulelwa esikhundleni ngenxa yokuthanda kwami umsebenzi”
Abalandeli bakhe ezinkundleni zokuxhumana bamncomile ngokungafihli uhlobo lomsebenzi awenzayo.
Bathi okumqoka ukuba nemali ukuze iqhubeke nempilo kukhokheke nezikweletu.
Ngesikhathi ephuma ekulingiseni kwiScandal ngonyaka odlule wavezela abalandeli bakhe ukuthi usethathiwe njengoba ethenjiswe umshado isoka laseSweden.
Nokho ubukeka engafuni ukuthi leli soka lakhe eliwumlungu laziwe njengoba evamise ukulifihla ubuso.
Yize esesebenza esitolo sokudla, usazobonakala kumabonwakude njengoba ezovela kuGenesis okuyi telenovela yakuMzansi Magic egabe ngabalingisi abanjengoBuyile Mdladla, Baby Cele noNay Maps.
Phambilini useke walingisia kuDurban Gen engu Dr Luthuli nakuLingashoni enguMpumi Cele.
NB: Marketing & Advertising WhatsApp/Call-073 062 1169
