Asesimweni esibucayi amaphoyisa adutshulwe eNanda
Philasande Luthuli
Adutshulwe alimala kanzima amaphoyisa ababili abegagazisana ngenganono nezigebengu eThekwini, eNanda.
Elinye lamaphoyisa kuthiwa lisesimweni esibucayi njengoba lidubuleke esifubeni.
Kubikwa ukuthi lamaphoyisa abenza umsebenzi wawo wansuku zonke kanti azohlaselwa ethungatha isgwaqa ebesibikwe ukuthi sigiya ngesibhamu.
Nawo aziphindiselile kwasala enkundleni umsolwa oyedwa.
IPurpose ixoxisane nephoyisa elisebenzela eNtuzuma Police Station nokho elingagunyaziwe ukukhuluma nabezindaba.
“Afike emini la amaphoyisa ezoboleka izibhamu ezinkulu eyoqhuba umsebenzi. Sesizwa kuthiwa adutshuliwe”
“Isimanga ukuthi igenge encane le ebhoke kule ndawo. Kukancane uthole umsolwa oneminyaka engaphezulu kwa-30”
Kuthiwa la maphoyisa elizibonele wona leli phephandaba avukelwe yiqulu lemigulukudu ebalelwa kweyishumi emjondolo badubula bebhekise kwezikaMkhwanazi.
Ngezikhathi nantambama NgoLwesibili amaphoyisa aseNtuzuma abaningi athutheleke endaweni yesigameko.
Kwenzeka lesi sigameko nje silanywa esangomhla ka-14 lapho le online publication ibike ngokudutshulwa kubulawe umsolwa (26) owayecashe eNanda, eLusaka.
Ngokusho kwamaphoyisa usolwa ubevele efunelwa amacala abucayi.
“Amaphoyisa ethimba le-Inanda Task Team aphikelele kuyo lendayo esigcemeni sase Lusaka lapho umsolwa abebhace khona. Umsolwa ubefunelwa amacala amathathu okubulala nelilodwa loluzama ukubulala”
“Ngesikhathi amaphoyisa efika la bekucashe khona umsolwa umane wadedela umlilo ubheke emaphoyiseni. Ngenhlanhla alikho iphoyisa elidubulekile,” kusho amaphoyisa kwisitatimende.
Kutholakale isibhamu kusmolwa esingekho emthethweni sohlobo lwe 9mm. Kube sekubizwa i-IPID ephuthume endaweni yesigameko.
NB: Marketing & Advertising WhatsApp/Call-073 062 1169.
