Kuphenywe ibheshu ngethenda ka-R3,5 M koweNedbank Cup eThekwini
Philasande Luthuli
Ligcine livelile igama lenkampani lalowo owahlomula ngethenda yesamba sika R3,5 million kuMasipala weTheku.
Kule thenda kuvela ukuthi kwahlomula iMabanye Sports Consulting ephethwe ngowayesebenza kuMaspala weTheku futhi eqashwe yiwo uMnyango wakwaSport and Recreation omnike ithenda.
Le nkampani yaqokwa kwezingu-9 ukuthola umsebenzi wokuphanyeka amabig screens emdlalweni wamanqamu kwiNedbank Cup phakathi kweKaizer Chiefs ne-Orlando Pirates ngoMay.
Kwaba nezikhalo eziningi kuhlanganisa neqembu lepolitiki kwaZulu-Natal i-Action SA.
Okhulumela uMasipala weTheku uGugu Sisilana phambilini kwabezindaba waveza ukuthi kwavunyelwana wonke amaqembu ahlala kwisigungu.
I-IFP ngomlomo weKhansela uMduduzi Nkosi waphika wama ngentaba.
Umvusi wenyanazane uMnuz Zwakele Mncwango ongumholi we-Action SA eKZN uthe:
“Angithi bengishilo ukuthi ngizobaphenya leli bheshu kancane kancane nje, ekugcineni bonke abahlomule kulo R3.6 million bazovela”
“Baqale baphika mangithi umnikazi Wenkampani Mabanye Sports Consulting wayesebenza kwaMaspala weTheku”
“Ngeke amasela aphumule ngisekhona KwaZulu-Natal, sebeyosizwa yikhoke ukungibulala. Inkinga sebehluleke kaningi bakithi. Manje, sengicela labo sopolitiki ababili abayinxenye yalento basheshe baziveze”
USisilama ucashunwe kwiSunday World evuma ukuthi lo owahlumula wayesebenza kuMasipala.
Uziseke ngokuthi awukho umthetho ovimba abantu abake baqashwa uMasipala ukuthi bangazami inhlanhla kumathenda.
NB: Marketing & Advertising WhatsApp/Call-073 062 1169.
