Uthunywe uphuthu eCator Manor obedubulana namaphoyisa

Liyah Mseleku

Abingelelwe ngenhlamvu amaphoyisa nawo aphendula ngayo wasala enkundleni umsolwa eCator Manor, eThekwini.

Kulesi sigameko ezikaLt Gen Mkhwanazi ziphume zingenamyocu kulesi sigameko obekungathi ifilimu.

Amaphoyisa abephambili kuzingelwa umsolwa awethimba eThekwini District Tracing Team.

Ubulawa nje umsolwa kuthiwa wagejana namaphoyisa amathathu wazama ukuwathuma uphuthu ngempelasonto edlule.

Kuthiwa elinye lamaphoyisa lashayeka engalweni kuleso sigameko.

Kuzosa kube uLwesibili abakwasidlodlo bahlale ezithendeni zakhe bamthola kuWiggins Road endlini zakhala.

Nokho, ezikaMkhwanazi ziphume zingenamyocu kulempi.

Kube sekutholakala isibhamu nezinhlamvu kumsolwa.

Izigameko ezifuze lezi aziqali ukwenzeka.

Ngomhla ka-16 June iPurpose ibike ngokusala enkundleni komsolwa kwalimala amaphoyisa amabili KwaZulu-Natal, KwaMaphumulo.

Amaphoyisa ayelokhu elandele umkhondo womsolwa obefunelwa amacala okuqhumisa izimoto zemali.

Nakulesi sigameko kwakungathi kudlala ifilimu ubona ngomlilo emoyeni kuphambana izinhlamvu.

Abezimo eziphuthumayo bafika ngokushesha ukuzama ukuhlenga izimpilo zamaphoyisa.

Kudutshulwana nje, ithimba lamaphoyisa lalithole ulwazi lokuthi kunamadoda amabili acashe kule ndawo.

Kwatholakala izibhamu, izimoto ezebiwe neziqhumane ezikhombisa ukuthi bekuhlelwa ukuthi kuyoqhutshekwa nobugebengu.

NB: Marketing & Advertising WhatsApp/Call-073 062 1169