Kulenga ingidi esangweni iMeya ye-ANC igweva nezikhiye
Liyah Mseleku
Bekulenga ukhiye esangweni laMaspala waseMkhanyakude ngoMsombuluko.
Kubikwa ukuthi iMeya uCllr Siphile uMdaka weqembu i-ANC liyayele unogada ukuthi angavuleli muntu.
UNqonqoshe wakwaCoGTA uThulasizwe Buthelezi nowayenguMeya eJozini uMfananaye Mathe ubonakale ehamba nequlu lamalunga eqembu i-IFP bagasele kulo Maspala.
Kuzokhumbuleka ukuthi lo maspala kunamahebezi athi i-ANC yawugwamanda ngenkani ngokomthetho kumele ngabe ubuswa iqembu leNkatha.
Kunezindaba ezithi impela loludaba bazolubhekisa kuRamaphosa ngoba ngathi uMdaka uyala uyaphetha uthi inkani yakomunye umuzi ayingeni komunye umuzi.
Ngokubika kweRichards bay Online News ngokwesikhundla sikaButhelezi unawo amandla okufaka oMaspala ngaphansi komlawuli njengoNqonqoshe wakwa CoGTA.
Kuzo ezithinta uCoGTA umsebenzi walo Mnyango uChuleza JAMA owaxoshwa ngo-April uvumbuke eEastern Cape.
Ubeyi Chief Director kuMkhanyakude District Municipality eJozini ebhekene nezingqalasizinda.
Yena nesekela lakhe uSiyabonga Mazibuko bahamba ngaphansi kwefu elimnyama benukwa ngokuwisa bhu phansi.
Kuzokhumbuleka ukuthi kwakuhlelwe uR151 million ukufakelwa imizi engu-2400 amanzi.
Kodwa kwagcina kusizakele ngamanzi imizi engu-700 nakhona lawo manzi abuye angaphumi.
NB: Marketing & Advertising WhatsApp/Call-073 062 1169
