UMengameli uzobuya adedele isitshwebhu kuMkhwanazi noMchunu
Liyah Mseleku
UMengameli uCyril Ramaphosa uza nomkhombandlela nezinyathelo ozizothathwa mayelana namabhomu adedelwe uLt. Gen Nhlanhla Mkhwanazi.
UMkhwanazi uthuse abaningi kwisithangami sabezindaba eThekwini ematanisa uNgqongqoshe wamaPhoyisa kuzwelonke uMnuz Senzo Mchunu nezenzo nobugebengu.
Umsola nalabo asondelene nabo ngokuba mdibi munye neziphulamthetho okuhamba phambili izidakamizwa.
Kumanje uMengameli useRio de Janeiro, Brazil lapho ethamele umhlangano wamazwe kwiBRICS.
“Udaba olubucayi lolu ludinga ukufakelwa izobuko ngokuphuthuma. Bonke abathinteka kulolu daba kunxuswa ukuthi abaziphathe kahle”
“Lezi zinsolo esishaqisayo zilahlekisa ngethemba kubantu. Ngale kwalokho, lesi senzo sidala uqhekeko embuthweni,” kubhalwe kwistatimende.
UMkhwanazi, ulitheze phezulu eveza ukuthi kunetulo lokuketuka uKhomishana wamaPhoyisa kuzwelonke uFanie Masemola.
UMkhwanazi utshele abezindaba ukuthi uMchunu waphoqa u-Lt. Sibiya osehhovisi lamaPhoyisa kuzwelonke ukuthi ahlakaze uphiko oluphenya ukubulawa kosopolitiki (Political Task Team).
Uthi wakwenza lokhu ngaphandle kokwazisa uKhomishane kazwelonke, uGeneral Fani Masemola.
Naye imbala uMkhwanazi njengoKhomishane esifundazweni lapho lolu phiko lwasungulwa khona ngo-2018 wangaziswa.
Uthi uMchunu ufake osomabhizinisi bamathenda emsebenzini wamaphoyisa.
Uzeve nokuthi ukulungele ukufa makumele afe kodwa uzolwa kuze kube sekugcineni.
UMkwanazi udedela lamabhomu nje ubechaza ngezinhlelo zokusebenza kwamaphoyisa kulesi fundazwe sase KZN.
Ubekhininda lezi zindaba ekakwe amasekela wakhe, oKhomanda namaphoyisa ophiko lweSpecial Task Force neNational Intervention Unit (NIU).
NB: Marketing & Advertising WhatsApp/Call-073 062 1169
