Ukufa kujuqe umsakazi wesiteshi seSABC

Bahle Mkhize

SEKUPHINDE kwagadla ukufa kwaSABC kujuqa umsakazi woMhlobo Wenene FM uPastor Nomonde Vakalisa obeshayela uhlelo Imvuselelo.

Ngokwesitatimende esifushane esikhishwe umndeni uVakalisa udlule emhlabeni ngoLwesithathu ekuseni.

IPurpose ithole ukuthi lo msakazi ubesegule izinyanga nokwenze ukuthi angazwakali emoyeni ngenxa yokubambeka.

Umngani walo msakazi waze wahlela umcimbi ngoSepthemba ngenhloso yokuqoqa imali ukuze kuphonswe esivivaneni.

The family told Sunday World that they had not yet met to discuss who should deal with the media and make an official statement.

“Njengomndeni wakwaVakalisa sithanda ukwazisa umphakathi ngokushona kwaNomonde Vakalisa odlule namhlanje ekuseni. Imininingwane egcwele ngokufa akwakhe izolandela ngokuhamba kwesikhathi. Besingakomqoki umuntu ozokhuluma nabezindaba owakamanje,” kulandisa isihlobo sikamufi ngamafuphi.

Inkonzo abekhonza ngaphansi kwayo nabengumfundisi kuyo iThy Will Ministries International eGqeberha ibhodle emswaneni ikhipha isitatimende.

“Sibuhlungu izinhliziyo ziyankenketha ukwazisa izwe ukuthi umfundisi wethu ebesimthanda uNomonde Vakalisa usishiyile emhlabeni wayohlangana noNkulunkulu ekuseni. Ubengazinikele kuphela kuNkulunkulu kodwa engumholi futhi engumngani kwabaningi emphakathini. Ngesikhathi esadla anhlamvana uthinte izimpilo zabaningi,” kusho isitatimende.