UGlen Lewis akafuni nokuyizwa eyokubizwa ngeRazo
Philasande Luthuli
Umsakazi ohlonishwayo ngamagalelo wakhe kuleli uGlen Lewis, usenxuse abantu baseKZN, eThekwini ukuthi bangaphinde bambize ngeRazo.
Lo msakazi (50) owazakhela udumo kwiMetro FM, Radio 2000 njengoba esekwi Kaya FM uqophe ivideo echaza ngokunganambithisi ukubizwa ngeRazo.
“Kule mpelasonto ngichithe isikhathi sami eKZN, eThekwini, bekumnandi kusindwe ngobethole”
“Angikaze ngibizwe kanjngi kanje ngeRazo njengoba bekwenzeka. Yazi ukuthi ngiyaluthanda ulimi lwasemgaqweni mpintshi mpontsho, bari, mjita Shangaan kuye le nale”
“Nezinye nje izilimi zakwamanye amalokishi, anginaso isiqiniseko ngegama elithi Razo”
“Omunye uthe iRazo eyabantu abanaDiploma ngeke uzwe umuntu oneDegree ethi Razo”
“Ngaleyo ndlela angithandi ukubizwa ngeRazo akulona ulimi olumnandi emgaqweni”
“Mawuthi mjitha kimina ngimnandi, noma grootman kodwa iRazo…” kushaya amakhala uGlen Lewis.
Uthi umuntu angahleba ngawe ukhona elokhu ethi i’Razo’.
“Ngicela sithole elinye igama, ngicela ningangibizi ngeRazo, nibe nempelasonto emnandi,” ephetha kwivideo engumzuzu nemizuzwana engamashumi amane nanye (01:41).
Uphawulile uDJ Sbu emhleka ekhombisa ukuthi akanalwazi ngolimi lwasemgaqweni yaseThekwini.
“Grootman, Razo kusho ukuthi Grootman” kubhalwa uDJ Sbu efa yinsini.
“Ngingowase Thekwini, ngenhlanhla ngiwasebenzisa wonke lamagama osuwabalile kodwa la eKZN igama laRazo alisho ukwehlisa isithunzi”
“Ngiyazi ukuthi eGoli basebenzisa kakhulu elika Grootman. Kuya ngezindawo Brazo, Razo, Bhuda njll. Phephisa Grootmaan,” kududuza uThuba.
NB: Marketing & Advertising WhatsApp/Call-073 062 1169
