Izindaba

Kuzosinda kakhulu kwabezimoto kunyuka uphethroli

Abashayeli bezimoto base-Ningizimu Afrika kuzodingeka bangene bajule emaphaketheni abo njengoba kukhuphuka intengo kaphethiloli nodizili.

UMnyango wezeziMbiwa naMandla (i-DMRE) umemezele ukuthi intengo yawo womabili ama-octane okuyi-93 ne-95 izonyuka kusukela ngoLwesithathu, lo mhla ka-1 kuNhlaba ka-2024.

  • Uphethiloli

Zombili i-93 ne-95 octane kaphethroli izonyuka ngo-37c ilitha.

  • Udizili

Intengo kadizili (0.05% sulphur) yehla ngo-30c ilitha, kanti udizili ono-0.005% sulphur wehla ngo-36c ilitha.

  • Upharafini negesi

Khonamanjalo, upharafini okhanyayo uzokwehla ngo-19 ilitha, kanti intengo ye-LP Gas yehla ngo-46c ikhilogremu.

Isizathu sokwenyuka kukaphethiloli

I-DMRE ithe izinto eziningi zamazwe ngamazwe nezasekhaya zibe nomthelela ekwenyukeni kwentengo kaphethiloli nodizili.

  • Intengo ye-Brent Crude

“Isilinganiso senani likawoyela ongahluziwe (iBrent Crude) lenyuke lisuka ku-84.22 US Dollars (USD) laya ku-88.10 USD umphongolo ngamunye phakathi nesikhathi esibuyekezwayo.

“Kube nokuntengantenga okuningi emakethe ngalesi sikhathi. Isici esiyinhloko esinomthelela ukukhula kwezingxabano zezwe eMiddle East nokuncishiswa okuqhubekayo kokukhiqizwa kwamazwe e-OPEC+,” kusho lo mnyango.

  • Intengo kaphethiloli kumazwe ngamazwe

Iphinde yathi isilinganiso sentengo kaphethiloli womkhiqizo wamazwe ngamazwe senyukile kulandela ukukhuphuka kwamanani kawoyela ongahluziwe e-Brent nesidingo esilindelekile senkathi yokushayela kulesi sikhathi esibuyekezwayo.

“Intengo kadizili, upharafini okhanyayo ne-LP Gas yehle ngokwesilinganiso ngenxa yezinguquko zesizini kanye nokuncipha kwesidingo kwiNorthern Hemesphere njengoba isuka esikhathini sayo sasebusika.

“Ukwenyuka kwamanani entengo yomkhiqizo kuholele ekwehleni kwentengo kaphethiloli iBasic Fuel Price ngo-34.41 c/l neminikelo ephakeme ku-BFP kadizili ngo-39.33 c/l nopharafini okhanyayo ngo-22.35 cents ilitha,” kuchaza i-DMRE. .

  • IRandi/Idola laseMelika

I-DMRE ithe iRandi lehlile, ngokwesilinganiso, uma liqhathaniswa neDola laseMelika (lisuka ku-18.04 laya ku-18.90 Rand nge-USD ngayinye) phakathi nesikhathi esibuyekezwayo uma siqhathaniswa nedlule. 

Lokhu kuholele ekunikeleni okuphezulu emananini kaphethiloli ayisisekelo ayo yonke imikhiqizo cishe ngamasenti angu-2.50 ilitha ngalinye kuyo yonke imikhiqizo.

  • I-Slate Levy

I-DMRE ithe ekupheleni kukaNdasa wezi-2024, ibhalansi ehlanganisiwe yaba yimali esele kuphethiloli nodizili engu-R2.73 billion.

OLUNYE UDABA: Izinsolo ezingezinhle ngeCebelethu – ikhetha imingcwabo

‘Ngokuhambisana nezinhlinzeko zeSelf-Adjusting Slate Levy Mechanism, intela yesileyiti engu-21.92 c/l izohlala ingashintshile ezinhlakeni zentengo kaphethiloli nodizili kusukela mhla ka-1 kuNhlaba wezi-2024,” kusho i-DMRE.

*Lolu daba solucaphune kwiCitizen Motoring

Related Articles

Back to top button