Izindaba

Itholwe isidayiswe uR200 esitolo sePakistan iselula ebiza izinkulungwane zamaradi

Liyah Mseleku

UCHAME wawuphuza owesilisa odabuka ePakistan othenge ifoni ebiza uR8000 kubafana ababambe inkunzi bazomdayisela ngoR200.

Lesi sigameko senzeke ngoLwesibili ntambama eDawncrest, eVerulan, kwaZulu-Natal.

Ngokwemibiko yeReaction Unit South Africa (RUSA) bathole ucingo kumhlali waseTrenance Park. Umgilwa ubike udaba lokungena kwezigebengu endlini zamphanga izimpahla okukhona kuzo ifone yeSumsung Galaxy A53.

Abakwa Rusa bahlanganise ulwazi lwabakhomba ePhase 2 eTrenance Park nalapho bekunabasolwa ababili khona. Bathe uma behlatshwa ngemibuzo “kwaxoxwa” bakhomba isitolo sePakistan esidayisa amafoni. Nebala yatholakala isidayiswe imali encane.

Leli Pakistan (46) eselihlale iminyaka engu-18 eMzansi libe selihlanza okwangayizolo. Nomgilwa ukwazile ukuyihlonza ngeserial number nekhadi elithile abelifake kuyo.

Abasolwa baveze nokuthi zonke izinto abaziphanga kubantu bazidayisa kulesi sitolo okuhlanganisa namafoni abawaphanga abantu abathathu ngenyanga edlule. Kube sekubizwa amaphoyisa.

Related Articles

Back to top button