Kulandela umshado weSintu kuZozibini osethathiwe
Aphelele Gcwabe
USHADE umshado omhlophe uMiss Universe wango-2019 uZozibini Tunzi ngoMgqibelo ePaarl, eCape Town.
IPurpose ithole ukuthi seziphumile nezimemo zomshado weSintu nomkhwenyana wakhe uLuthando Bolowana ekhaya e-Eastern Cape.
Kulo mshado obuyisinyenyela kugqame osaziwayo abebezimenywa okubalwa kubo owayengumdlali weKaizer Chiefs neBafana Bafana, uSiphiwe Tshabalala, umlingisi wodumo kwiShaka Ilembe neSibaya, uNomzamo Mbatha, uConnie Ferguson owagqama kwiGenerations neThe Queen.
“Ngikuthanda ukubhubha myeni wami” ubhale kanje kwezinye zezithombe azinameke ezinkundleni zokuxhumana uZozibini.
Lo mshado obusezingeni eliphezulu ubuhlelwe kahle yonke into nguZavion Kotze-Brereton, owenza umsebenzi ofanayo kuMiss Universe wango-2017 uDemi-Leigh Tebow.
UZozibini ubegqoke ingubo emhlophe qwa ethungwe umsiki wengqephu uPhan Huy.
Nomzamo Mbatha akasalanga ngaphandle kubantu abamhalalisele: “Uthando lwabantu ababili oluhlanganiswe uNkulunkulu ngosuku olubaluleke kanje. AmaTolo namaZizi avumile,”
UBoity naye akasalanga ngaphandle ubongele uZozibini.
“Ngiyakubongela makoti omuhle kunabo bonke emhlabeni,”
