Kuboshwe owePolo obeshayela ephuza iSmirnoff
Bahle Mkhize
Kubantu abangu-171 ababoshelwe ukushayela bedakiwe esifundazweni iKwaZulu-Natal, ePietemaritzburg kukhona nobephuza ugololo iSmirnoff edesha ngeCoca Cola.
IPurpose izibonele ivideo kuvela ibhodlela selingesenalutho eduze kwesihlalo somshayeli kucaca ukuthi kade kuphuzwa.
Lesi sephulamthetho sibanjwe emotweni yohlobo lweVW Polo emhlophe ephume emgwaqeni yacishe yangena emzini womuntu.
Ishayise yaphela ngaphambili kwaqhuma nama airbags.
Kwiziphulamthetho eziboshiwe kubalwa ummeli, abezicishamlilo, odokotela nabahlengikazi.
Sikhuluma nje bangu-47 ababoshwe eThekwini, eMpangeni 14, nababili eLadysmith bonke laba bachithela impelasonto yabo ngaphakathi ezitokisini.
Amaphoyisa ophiko RTI asekwaze ukubopha izephulamthetho ezingu-2163 kusukela ngomhlaka-15 August kulo nyaka.
