IMamelodi Sundowns ethubeni lokushanela imiklomelo ye-PSL
KWANDE kaZIKIZA
KULINDELEKE abadlali beMamelodi Sundowns kube ibona abahamba phambili emiklomelweni ye-PSL Footballer of the Season.
Unozinti uRonwen Williams noTeboho Mokoena, abawumgogodla kwiBafana Bafana, basize iSundowns ukuvikela isicoco seLigi asebesinqobe amahlandla ayisikhombisa kulandelana amasizini.
Bazobanga lo mklomelo omkhulukazi nomgadli weStellenbosch FC u-Iqraam Rayners kanti kuba abaqeqeshi abawu-16 abavotela lowo mdlali abambona kumfanele aqokelwe lo mklomelo.
Amagama kaWilliams noRayners ayavela emklomelweni eDStv Premiership Players’ Player of the Season abazowubanga nomdlali we-Orlando Pirates uPatrick “Tito” Maswanganyi.
Emkhakheni we-DStv Premiership Coach of the Season kuzobanga uSteve Barker weStellenbosch FC, uRulani Mokwena weSundowns noJose Riveiro wePirates.
Kwi-Goalkeeper of the season kuzobanga uBadra Sangare ovimbela iSekhukhune United, Sage Stevens weStellenbosch noWilliams weSundowns.
Emkhakheni weDefender of the Season kuzobanga uGrant Kekana weSundowns, Deano van Rooyen weStellenbosch noTapelo Xoki wePirates bese kuthi emkhakhweni weMidfielder of the Season kuvele amagama kaSanele Barns weRichards Bay, Maswanganyi wePirates noDevin Titus weStellenbosch.
Abaqokelwe kwi-MTN8 Last Man Standing oSipho Chaine, Zakhele Lepasa noMaswanganyi bePirates bese kuthi abeStellenbosch FC oThabo Moloisane, Titus noRayners babange oweCarling Knockout Player of the Tournament. KwiNedbank Cup oTshegofatso Mabasa noMaswanganyi bePirates noRayners bazobanga owePlayer of the Tournament. UShandre Campbell weSuperSport United, Relebohile Mofokeng wePirates noTitus bangene emkhakheni weNedbank Cup Most Promising Player
