Imibuzo ngonozinti ‘ovuzayo’ iGalaxy ibhaxabula iDowns
Sihle Mkhize
Balale behleka bodwa abalandeli be-Orlando Pirates esethubeni lokuhlwitha iMamelodi Sundowns isicoco seBetway Premiership.
Lokhu kuza ngemuva kokuthi iTS Galaxy ‘ifele’ enkundleni iMbombela stadium ibhaxabula iDowns.
IGalxy izibeke phambili zisuka nje ngegoli likaVictor Letsoalo okube yiphenathi, akuphelanga mizuzu uSedwyn George walivalela phakathi elesibili.
UBryan Leon waseColombia ubuyise ithemba leDowns evalela amagoli amabili.
Elokuqa abalinganise ngalo ulishsye ngaphambi kokuthi kuyiwe ekhefini.
IGalaxy ibuyele phambili ngegoli likaMpho Mvelase kwaphela kanjalo.
Izimbangi iPirates isalelwe imidlalo emibili uma inqoba kwiDurban City ngoMgqibelo, izobe isingompetha.
Umqeqeshi weSundowns, uMiguel Cardoso ukhale ngokuhlelwa kwemidlalo okubagqilazile njengoba ibithothene eduze.
Kuzokhumbuleka ukuthi ibamba mqeqeshi uBernard Parker waphuka umlenze esekwi Kaizer Chiefs bedlala neMamelodi Sundowns eminyakeni emibili eyedlule.
Kwaba nezinsolo zokungakhombisi ukuzisola kweSundowns. Abaningi sebekuhumushe lokhu ngokuthi uParker ubeziphindiselela ngokubahlinzela ezibini.
Okunye okushiye abaningi bebambe ongezansi izinga likaRonwen Williams ongunozinti iSouth Africa ethembele kuye kwindebe yoMhlaba.
Emidlalweni yakamuva emibili kubukeka esephendulwa ibhece njengoba engenelwe amagoli ayisikhombisa.
Kwenzeka lokhu nje kubalwa amasonto ngaphambi kokuthi kuqale iNdebe yoMhlaba, lo nozinti nguyena ukaputeni welesizwe.
Marketing and advertising Call or WhatsApp 073 062 1169
