Ihlazo amaphoyisa (10) eboshwa “esemsebenzini”
Liyah Mseleku
ANGENE ehlazweni amaphoyisa ayishumi aseLimpopo aboshwe ngoLwesihlanu uphiko lweDirectorate for Priority Crime Investigation.
Amavideo ekhunyuliswa izimendlela kwi-uniform eseboshwe ngama cable ties, bekukhombisa ngokusobala ukuthi inhlanzi ishelwe amanzi.
Kumanje lamaphoyisa abhekene amacala okungaziphathi kahle nokugwazisa esemsebenzini.
Lokhu kulandela ukuthi amabili wawo engene kunoxhaka wokumisa ilunga lamaHawks.
Leli lunga lama Hawks elingazigqamisanga kuthiwe liphule umthetho wokukhuluma nocingo lishayela.
Libe selifunwa izincwadi zokushayela labe selibizelwa emotweni yamaphoyisa latshelwa ukuthi alikhokhe imali ye”lunch” engango R100.
Leli phoyisa lamaHawks liye emotweni labuya nozakwabo baboshwa ngaleso sikhathi abasolwa.
Kulindeleke ukuthi avele eNkantolo yeMantshi yaseGroblersdal lamaphoyisa ebhekene namacala enkohlakalo.
Inhloko yamaHawks esifundazweni sase Limpopo uMajor General Advocate Gopz Govender usesishayele ihlombe lesi senzo sokukhipha amazambane abolile.
“Siyawatusa lama phoyisa ama Hawks enze umsebenzi wawo ngaphandle kokwesaba, ukwenzelela nokwesaba. Ukuzibophezela kwabo kuthele izithelo,” usho kanje.
UNgqongqoshe weTransport and Community Safety, uViolet Mathye, naye uthi luphume nobuvu.
“UMnyango ubuka lamacala njengabucayi kakhulu. Ukuboshwa kwabo kuzothumela umyalezo kwamanye amaphoyisa ukuthi angake alinge acabange inkohlakalo” usho kanje.
