IDefender namandla enjini agila umhlola
Sihle Mkhize
ABENKAMPANI yezimoto iLand Rover bethule iDefender enenjini enamandla amaningi uma uyiqhathanisa neyangaphambilini.
Eyangaphambilini ibidonsa ngoD300 kanti eyakamuva inamandla afikelela kuD350.
Kelesi silwane somhlola sifika siyi 3.0 litre six-cylinder twin turbocharged.
IBrand manager kwiSub-Sahara uJanico Dannhauser uthe : “Le D350 kadiesel ijoyina uhide lwezinjini zediesel ezaziwa ngamandla ayisimangaliso ikakhulukazi uma uzobheka isisindo nobude. Ukwengeza amandla kwenze iDefender laba nogazi nasekuqinisikiseni ukuthi ezintweni ezithinta ukugijima udlule ezinye izimoto ziba seqhulwini. Okunye ukubhekana nezimo ezinzima emgaqweni enhlobonhlobo,”
Ukwakhiwa kweDefender iD350 kunyuse ukuzethemba kwizinjini nokubenza bakwazi ukuhambisana nesimo semvelo bangawugcolisi umoya. Nakuba ibukeka inkulu kodwa kuthiwa ukuba lula kwayo kuyasiza nasekongeni udiesel kodwa ibe indiza njengebhanoyi.
Ubuxhalaxhaka bobuchwepheshe kuyona lensimbi kunciphisa umsindo ongadingeki ongabe ungeniswa umoya nakho konke okwenza uzizwe ungeneme.
Eqhuba uDannhauser uthe: “Uyazikhethela nalapho nalapho ukwazi ukwengezelwa izihlalo zikanokusho ezibizwa ngeCaptain Chairs ezikwenza uzizwe usezulwini elincane.
Kulezi zihlalo kuba kumgibeli ukuthi azifudumeze noma zimpholise nokunye okuningi.
