I-NPA ilwela ukubuyekezwa kwesinqumo ngo-Omotoso

UBarry Madolo oyiNational Prosecuting Authority’s Director of Public Prosecutions e-Eastern Cape, usethathe isinqumo sokubuyekezwa kwesinqumo seJaji laseNkantolo ephakeme eGqeberha.

Ngenyanga edlule iJaji, u-Irma Schoeman, lakhipha phambili uMvangeli uTimothy Omotoso odabuka eNigeria nababili ayeboshwe nabo.

Okhulumela iNPA u-Advocate Mthunzi Mhaga uthe bathathe lesi sinqumo emuva kokucubungula lolu daba nezingwevu zabaphenyi ngaphakathi.

Ngalezi zizathu iNPA igcine iphonsela u-Omotoso (66) imfuna abuyele ejele.

Kuzokhumbuleka ukuthi iNkantolo enkulu eGqeberha yamthola engenacala kulawo ayebekwe wona, okubalwa awokudlwengula nokushushumbisa kwabantu namanye amaningi.

Kube nokukhala okukhulu kukhululwa lomfundisi obesetoke iminyaka engu-8.

Lwaphinde lwagxekwa kakhulu loluphiko (NPA) kukhalwa ngokuthi abameli babo babentekenteke yingakho etholwe engenacala umfundisi.

Ikhuluma kanjena nje iNPA, u-Omotoso uvele usejele uboshwe ngempelasonto e-Eastern Cape eboshelwa ukungabi nemvume yokuba kuleli.

Lo mfundisi waseNigeria ufake isicelo esiphuthumayo eNkantolo eNkulu, efuna kubuyekezwe isinqumo soMnyango wezaseKhaya sokumchaza njengomuntu onelungelo lokuba kuleli.