Dololo izikhulu ukuzochaza ngabokufika abahlomulayo
Sindiswa Nxumalo
IMnyango kaHulumeni ebelindeleke kumhlangano obubizwe eKZN Music House, eThekwini, azilubhadanga ngoMsombuluko emini.
Lesi sithangami besibezwe abezindaba basesifundazweni nalapho bekulindeleke bazoziphendulela ngesimo sabokufika ngokungemthetho abahlomula kwizinsiza zomphakathi.
IMnyango ebimenyiwe oweZempilo, oweZokuvikela, owezeMfundo, ezeNhlalakahle, eZasekhaya kanye ne-SASSA.
“Baqale babuza ukuthi imiphi imibuzo ekumele bayiphendule kulesi sithangami,” kubika uCeliwe Manqele
Uqhubeke wathi uMnyango weZokuvikela u-SASSA uveze ukuthi bebecabanga ukuthi kubizwa noNgqongqoshe yingakho bengezanga.
Ekupheleni kwalo mhlangano baveze ukuthi lesi sithangami sizophinda sibanjwe ngoJune njengoba kwakuthiwa sizobanjwa njalo emva kwezinyanga ezintathu.
Khonamanjalo, amaphoyisa asesifundazweni KwaZulu-Natal abambe “ufishi omkhulu” ashaqa izidakamizwa.
Lezi zidakamizwa ngezenani elicela ku-R8 million kanti zibanjwe kowesilisa odabuka eNigeria.
Le ndoda ibhadanywe ezintatha ngoMsombuluko endaweni yomtakabani eSomerset Park.
Ilalelwe unyendle amalunga eSAPS MDOC (Durban), Durban North SAPS Trio Crimes, Newlands East SAPS Trio Crimes neDurban North SAPS Crime Prevention.
Ibonakale iphethe isikhwama esikhulu esimnyama iyongena lapho ihlala khona.
