Bahlekise ngoBoity uCassper Nyovest eshadelwa
Sane Mseleku
Isihlabani seHip-Hop eMzansi uCassper Nyovest useyindoda emadodeni kulandela ukushada umshado weSintu nesinqandamathe sakhe uPulane Natasha. Labashadikazi baqala umjolo besebancane. UCassper ushadelwa nje ngoFebhuwari ubewaphika lamahlebezi.
Khonamanjalo, abantu ezinkundleni zokuxhumana sebephendukele uBoity Thulo bamenza inhlekisa. UBoity ubhale enkundleni yokuxhumana iX ukuthi kungani namhlanje ezizwa sengathi iSonto . Babe sebeshiya abangalazi abantu bethi akamenyiwe emshadweni kaCassper Nyovest. Ube esephendula ozibiza ngoChris Excel wathi: “Yingoba lowo owawuthandana naye uyashadelwa,”.
UXavoer uthe: Yingoba umatasa nezinto zokugcoba uCaspper ngaleso sikhathi ubebheka umaqondana.
Kuzokhumbuleka ukuthi uthando lwaCassper noBoity lwama undabamlonyeni kwazise bobabili basemehlweni abantu. Kodwa kwaphela kuhle kwamazolo ebona ilanga. UCassper uke wamataniswa nentokazi yaseThekwini uThobeka nakhona kwaphela.
