Babuye sekuvalwe amehlo abaculi bePiano abebethunjwe e-Ethopia

Abonga ukubuya besaphila e-Ethopia amalunga eqembu lomculo wqamaPiano iMapara A Jazz elihlanganiswe uMano “Man Malaya” Nephawe noLeornard “Lenny” Malatji.

Laba culi bebethunjiwe kanti uNephawe washaywa kwasala umndondo kuleliya zwe.

Behlelwa yilo mshophi nje bebebhukhiwe ukuyonandisa e-Ade Music Fest eKana Warehouse enhloko dolobha i-Addis Ababa ngomhla ka-25 Nonember.

Kuthe ngeSonto ekuseni labaculi abadabuka eTshwane bavela ezinkundleni zokuxhumana becela usizo bethunjiwe.

“Sicela usizo bakwethu sithunjiwe la e-Ethiopia.”

Ngokuhamba kwesikhathi bazise abalandeli babo ukuthi sebebuyele eNingizimu Africa ngaphandle kokugeqa amagula ngokubehlakalele.

“Kuyintokozo ukubuyela ekhaya siphephile. Sibonga wonke umuntu okhombise uthando, nokuseseka ngesikhathi esinzima,”

Umnuz Clayson Monyela, oyiSouth Africa’s Head of Public Diplomacy and Department of International Relations & Cooperation, utshele iSunday World ukuthi ngesikhathi bebona lezi zindaba baxhume ihhovisi lenxusa e-Ethopia.

“Udaba alubikwanga kwiDIRCO. Sithole ulwazi ngoba sibona ezinkundleni zokuxhumana. Emuva kwalokho sigxume saxhumana nenxusa. Alikho icala lokuthumba elivuliwe okwamanje,” kusho uMonyale.

“Emuva kwamahora ambalwa sazisiwe ukuthi abagilwa sebefikile eSouth Africa safely. Njengoba sebekhaya bephephile udaba selungaba sezandleni zamaphoyisa,”

UMonyela wengeze ngokuthi iziphathimandla zizohlangana ukuwenza uphenyo ukuthola umnyombo wendaba bese kuvulwa icala.

“Esimweni esinjegaalesi uma ngabe laba culi basathunjiwe icala belizovulwa ngosizo lwenxusa futhi besizongenelela. Sijabulile ukuthi babuyele ekhaya bephephile,”