Agile izimanga ama-2k kumatric ka-2024
Aphe Gcwabe
LIKHUPHUKILE izanga ezweni lonke abafundi bakamatric 2024 beqopha umlando omusha.
Kulokhu izinga liku-87,3%, kuqenqeleza phambili isifundazwe sase-Free State.
Imiphumela inyukile isuka ku-82.9% ngo-2023 kuya ku-87.3% ngo-2024.
Kuphume nangaphezulu kwa-319 000 wodistinctions okuyinto enconywe nawu Ngqongqoshe wezeMfundo eyisisekelo uNksz Siviwe Gwarube.
Umcimbi obuse Mosaiek Fairland, Randburg, eGoli, uNgqongqoshe wemfundo eyisisekelo uNksz Siviwe Gwarube uncome abafundi abayibambe ishisa kwaze kwayophela unyaka.
Ubebancoma ngesikhathi ekhipha imiphumela ka-matric wango-2024 kulo mcimbi.
Ngokombiko kaMalusi bangu-880 209 abafundi ababhalisela leli kilasi ezikoleni zikahulumeni, kodwa bangu-810 900 abakwazile ukubhala izivivinyo zabo.
Imiphumela ngokwezifundazwe:
Amadolobha ahamba phambili, iJohannesburg West eGauteng, iFezile Dabi eFree State noMkhanyakude KwaZulu-Natal ngokulandelana kwawo.
Khonamanjalo, ziyashaqisa izibalo zabafundi ababanjwe bekopela.
Babalelwa ku-407 abafundi ababanjwe bekopela lezi zivivinyo zika-2024 ezweni lonke kanti iKwaZulu-Natal neMpumalanga yizona zifundazwe ezihambe phambili ngokutholakala kwabafundi ababanjwe bekopela.
Lokhu kuvezwe yiCEO ka-Umalusi uMnu Mafu Rakometsi ngesikhathi ephawula ngemiphumela kamatric.
URakometsi uthe iKZN neMpumalanga yizona eziqenqeleze phambili ngesibalo sababanjwe bekopela.
Uveze ukuthi iKZN kubanjwe abafundi abawu-195 kwathi eMpumalanga baba wu-74.
