Kulindeleke izigaxa kuqulwa icala lokufa kwa-AKA

Sphumelele Mjaja

Liyaqhubela ngoLwesine eNkantolo eNkulu yaseThekwini icala labesilisa abahlanu abasolwa ngokubulala umrepha waseNingizimu Afrika uKiernan “AKA” Forbes.

U-AKA nomngani wakhe ongumpheki wodumo, uTebello “Tibz” Motsoane badutshulwa babulawa kuFlorida Road.

UForbes noMotsoane badutshulwa babulawa eThekwini ngaphandle kwesitolo sokudla ngoFebhuwari 2023.

Ingqungquthela eyandulela ukuqulwa kwecala ebihlelelwe uJuni yahlehliswa ukuze umbuso uxoxisane nabezokuvikela ezindabeni ezithile ezingadalulwanga.

Abasolwa abahlanu, uLindokuhle Mkhwanazi, Lindani Ndimande, Siyanda Eddie Myeza, Lindokuhle Ndimande noMziwethemba Gwabeni, baboshelwa ukuhlela nokubulala u-AKA.

Abasolwa ababili abengeziwe, ababoshwe eSwatini, kumanje balwa impi yokubuyiselwa eNingizimu Afrika.

Lo mshikashika wokubuyiselwa ezweni labo ubangele ukubambezeleka kulo lonke icala.

Leli cala belilokhu lihlehla kaningi njengoba izicelo zebheyili zabasolwa zinqatshelwe izikhathi eziningi.

Abasolwa babhekene namacala okubulala, ukuzama ukubulala, ukwakha itulo lokubulala, ukutholakala nezibhamu nezinhlamvu okungekho emthethweni kanye nokushushumbisa imali.

NB: Marketing & Advertising WhatsApp/Call-073 062 1169