Uzulelwa amanqe uMasemola osolwa ngenkohlakalo
Uzalelwe yinja endlini uKhomishana kazwelonke emaphoyiseni Fannie Masemola osolwa ngenkohlakalo yokukhwabanisa amamillions.
Sikhuluma nje kunamahebezi athi kungahle kukhishwe incwadi egunyaza ukuboshwa kwakhe mayelana namacala enkohlakalo.
Kubikwa ukuthi uyathinteka ekukhwabanisweni kwengxenye yemali engu-120 million kuthengwa amabhilidi eCrime Intelligence okubalwa i-Boutique Hotel ePretoria North naseGauteng.
Kuthiwa kwasetshenziswa eyathengwa isamba esingu-R22.7 million.
Kuvele nokuthi kunelinye ibhilidi elathengwa eThekwini, KwaZulu-Natal, eyabiza isamba sika R22.8 million.
Ezivelayo manje wukuthi konke lokhu kwenziwa ngaphandle kokugunyazwa yihhovisi likaNgqongqoshe wamaphoyisa uSenzo Mchunu osanikwe ikhefu eliyisipesheli.
Kubikwa ukuthi uphenyo olwenziwa yi-Investigating Directorate Against Crime (IDAC) ilona olungaholela ekutheni zimkhalele uMasemula.
Izimpukane eziluhlaza zithi impela umphumela ngathi kawuzoba muhle.
Okhulumela i-IDAC uHenry Mamothane uthe abakaphawuli ngalolu daba okwamanje ngoba uphenyo lisaqhubeka.
Kuzokhumbuleka ukuthi emaphoyiseni ubugebengu budla lubi njengoba kusanda kuboshwa uDumisani Khumalo obeyinhloko kwiCrime Intelligence.
UKhumalo ongaphandle ngebheyili ka-R10 000 uboshelwe ukukhwabanisa imali engango-45 million.
NoPhilani Lushaba obengu Crime Intelligence Chief Financial officer wazinikela yena ku-IDAC mayelana namacala okukhwabanisa kanye nokudukisa uphenyo lwe-IDAC.
