Uzishaya isifuba uNgqongqoshe yize bemkhomba ngenjumbane
Liyah Mseleku
UNgqongqoshe woMnyango wezeMidlalo ezobuCiko namaSiko KwaZulu-Natal uMnuz uMntomuhle Khawula uhlube indlubu ekhasini kwabamgxekayo.
UKhawula ebezivikela ezinkulumweni okuthiwa ziyamgxeka mayelana nokusebenza koMnyanago wakhe esifundazweni.
UKhawula obekhuluma eSishayamthetho sesifundazwe eMgungundlovu izolo emini.
“Sekusemome ukuthi idlinza likamntwana wakwaPhindangene libe yifa Gugu ezweni lonke”
“Izikole zesifundazwe zibe nemincintiswano yeSintu sonke isifundazwe ngokubambisana noMnyango wezeMfundo nobuCiko namaSiko”.
Umlando uliphinde wona lapho uNyazi oluhola ibandla lamaNazaretha lihambisana neSilo ukuyobeka izimbali edlinzeni leLembe,” kuqhuba uKhawula.
Ube esesebenzisa ithuba ukuzishaya isifuba ngebanga eselihanjwe yilo Mnyango egameni likahulumeni wesifundazwe.
Lapho esho ebala ukusebenzisana neNdlunkulu, amakhosi, yizinduna nohulumeni bezindawo ekuhlonipheni izikhonkwane ezagxunyekwa zingqalabutho zezwe.
Uphinde wavezela iSishayamthetho ukuthi lo Mnyango awengamele ususebenzela ukuthi amadlinza esilo esebuzile uMdlokombane uZwelithini kaBhekuzulu neleNdlovukazi yakwaKhanagela uMantombi ka Sobhuza abe zizinda zamafa-gugu ezwe.
UKhawula uphinde wancoma umkhosi Womhlanga eMachobeni naseMashobeni nakuba iSilo sagxekwa ngabachaze ngokuthi ongoma uyayona.
