Seliphumile usuku lokuqulwa kwecala likaZuma
Sihle Mkhize
Icala elibhekene nolowo owayengu Mengameli wezwe uMnuz Jacob Zuma ebelibambezeleke iminyaka ecela kwengu-20 selizoqulwa.
Kuzokhumbuleka ukuthi uZuma wathwesa icala lenkohlakalo elimayelana nesivumelwano sokuthengwa kwezikhali ngo-1999.
UZuma umataniswa nenkampani yaseFrance, iThales.
NgoLwesine inkantolo ePhakeme yaseMgungundlovu inqume ukuthi liqale ukuqulwa ngomhla ka-1 kuNhlolanja wonyaka ozayo.
Kuzokhumbuleka ukuthi ngomhla ka-4 kuNhlolanja leli cala lalingenile enkantolo enkulu yaseMgungundlovu nalapho inkantolo yasichitha isicelo sokuthi leli cala lisuswe ohlwini lwamacala.
Kwahamba isikhathi kwabekwa usuku lwango mhla ka-24 kuMbasa.
Khonamanjalo, ungoti wezomthetho ubona lulude ukhalo oluzohanjwa njengoba uMengameli Cyril Ramaphosa, ememezele ukuthi uzophonsela inselelo umbiko wethimba elalijutshwe iPhalamende ukuba liphenye ngokuntshontshwa kwezishaqane zamadola aseMelika epulazini lakhe, iPhala Phala.
Ngokombiko weSolezwe ungoti weDonda Attorneys, uMnuz Melusi Xulu, uthe uhlelo lokukhipha uRamaphosa esikhundleni lungase lunyomfe ukufakwa kwesicelo esiphonsela inselelo umbiko wethimba elaliholwa owayeyijaji, uSandile Ngcobo.
UXulu uthe uRamaphosa angase afake isivimbelo esizonqanda ukuqhubeka kohlelo lwasePhalamende lokumkhipha esikhundleni.
URamaphosa umemezele ukuthi uzophonsela inselelo umbiko owathola ukuthi kungenzeka ukuthi kukhona imithetho ayephula ekusingathweni kodaba lokuntshontshwa kwemali epulazini lakhe.
Marketing and advertising Call or WhatsApp 073 062 1169
