Libuyela ngo-Agasti elikaZuma noRamaphosa eNkantolo eNkulu
Sane Mseleku
LIHLEHLELE u-Agasti kulo nyaka icala elifakwe uMnuz Jacob Zuma emangalela uMengameli uCyril Ramaphosa.
UMsholozi usola uRamaphosa ngokungamthatheli izinyathelo umshushisi wombuso uBilly Downer nentatheli uKaryn Maughan.
Ekhuluma nabalandeli bakhe ngaphandle kwenkantolo uthe: ” Sizobuya ngo-Agasti enkantolo sizoshushisa, ngaleso sikhathi ngisho nemithetho iyobe isilungisiwe. Siyobe sesiphethe. Siphethe lelizwe,” usho kanje.
Kuzokhumbuleka ukuthi kuyiwa okhethweni lukazwelonke ngomhla ka-29 Meyi.
UBilly Downer nentatheli uKaryn Maughan basolwa ngokusabalalisa ulwazi lwezempilo kaZuma oluyimfihlo lokho akuthatha ngengoku nyathela amalungelo wakhe ngaphansi kweNational Prosecuting Authority Act (NPAA). Njengoba selibuya manje leli cala lalikade lihlehlile ngoDisemba 2023.
Izolo iNkantolo yezoKhetho ichithe isinqumo sokukhishwa kwegama likaZuma ohlwini lwabantu abaya ePhalamende nokusho ukuthi maningi amathuba okuthi abuyele njengoba igama lakhe liphezulu ohlwini lweMK.
