Itholakale ikhulelwe intombazanyana (13) eduke nesoka (25)
Morgan Ngwazi
Igcine itholakale intombazanyane (13) osekusolakala ukuthi isikhululelwe emuva kokunyamalala nowesilisa (25) emzini wakubo eChatdworth, eThekwini.
Kuvele ukuthi lo wesilisa wayembambile emndenini wentombazane ngemuva kokuhilizisana nezihlobo zakhe ayehlala kuzo nezingomakhelwane.
Okuthusa abaningi wukuthi unina wentombazane efunda ugrade 8 wavumela le ndoda ukuthi ilale embhedeni owodwa nale ntombazanyana.
Emuva kokulahleka kwabo umndeni wentombazanyana wacela usizo lonogada bakwaReaction Unit South Africa (RUSA) ngomhla ka-2 December kulo nyaka.
Onogada balandele umkhondo nomphakathi jikelele bagcina bethola ukuthi lezi zithandani bezihamba phakathi kwasePhoenix naseChatsworth.
Batholakale eduze nemijondolo yeseWelbedact, le ntombazanyana yazise uwonkewonke ukuthi izithwele.
Iqhutshwe yayiswa emtholampilo oseduze ukuze kuqinisekise ukukhulelwa kwayo.
Utholwa nje ubehamba nge-Uber phakathi kwasePhoniex, kuyo lemoto bekukhona nodadewabo wale ndoda eduke nale ntombazanyana. Akucaci ngale ndoda eduke nale ntombazanyana ukuthi ikuziphi izintaba.
