Isililo kufa amalunga omndeni (5) engozini

Sane Mseleku

IDLULE namalunga omndeni amahlanu ingozi eyenzeke emgwaqeni ku-N1 eYsterberg ngaphandle kwase Makopane eLimpopo.

Umshayeli uhlulwe ukuyilawula imoto abebehamba ngayo, yaphaphalaza yaphenduka,

Lesi sigameko esihlasimulisa umzimba senzeke ngoMgqibelo ekuseni.

Okhulumela abakwa Provincial Transport Department uTshifhiwa Dali uthe abashonile abomndeni owodwa.

Ngokusho kwemiphumela yakwaSouth African Police Service nabe Traffic Law Enforcement bathe imoto yohlobo lweSedan iphaphalazile yaphenduka nabantu phakathi umbangela yengozi ayikaziwa, kodwa uphenyo lusaqhubeka.

Ngeshwa umshayeli kanye nomndeni wamalunga amane bashonele endaweni yesigameko.

UMEC uMathye udlulise amazwi enduduzo kwimindeni elahlekelwe waphinde wanxenxa abantu ukuba bashayele ngokucophelela emgwaqeni, kwazise amaholi asesondele.

Khonamanjalo, kwaZulu-Natal eThekwini abezimo eziphuthumayo abematasa ekuseni ngiMgqibelo ezama ukusiza àbantu abalimele kulandela ingozi yetekisi nemoto encane.

Lesi sibhicongo sengozi senzeke eduze kwenxanxathela yezitolo iLifestyle Shopping Centre eBallito.

Kubikwa ukuthi umshayeli wetekisi usesimeni esibucayi njengoba evaleleke etekisini kngesikhathi kwehla le ngozi.