Intaka ibekelwe amazolo ngemidlalo yeNedbank Cup esele
IPremier Soccer League (PSL) isiziqinisekisile ngokusemthethweni izinsuku, izinkundla nezikhathi zemidlalo ebhekwe ngabomvu eyandulela owamanqamu kwiNedbank Cup.
Le midlalo seyihlelelwe impelasonto yomhla ka-4 no-5 kuMeyi kulo nyaka, kanti ithembisa ukukhombisa ibhola elisezingeni eliphezulu.
Amathikithi atholakala ezitolo zeTicketPro ezweni lonke ngo-R80 lilinye.
Umdlalo owandulela owamanqamu ozoqala ngophakathi kweChippa United ne-Orlando Pirates evikela isicoco.
Lo mdlalo uzoba seNelson Mandela Bay Stadium, eGqeberha ngoMgqibelo, mhla ka-4 kuMeyi.
oqhubeka ngeSonto, eDanie Craven Stadium eWestern Cape, lapho iStellenbosch FC neMamelodi Sundowns bezolwela ukungena kowamanqamu.
Yomibili le midlalo ihlelelwe ukuthi iqale ngo-3 ntambama, okuzoqinisekisa ukuthi abalandeli bebhola bayakwazi ukuyihambela kalula le midlalo.
Lo mqhudelwano usanda kuba undabamlonyeni umqeqeshi weMamelodi Sundowns uRulani Mokwena egxeka unompepe. UMokoena ukholwa wukuthi abadlali beSwallows bawashaye sebesendaweni engabafanele lamagoli abo.
“Angidingi ukuthi ngicele incazelo (ngezinqumo zonompempe) ngoba sekungokwesithathu kule sizini kuba ‘neVAR’ emidlalweni weSundowns.
“Womabili amagoli eSwallows ashaywe abantu abebesendaweni engabafanele (off side),” kusho uMokwena kwabezindaba.
“Ngayifundisisa imithetho yalo mdlalo, izicucu zami akuzona ezokudlala. Ngaya esikoleni esifundisa ukuqeqesha.
