Idlule nabesifazane ababili ingozi ehlanganisa iloli oThongathi
Bahle Mkhize
Lishone kukhalwa emndenini yezisulu zabesifazane abafe ujuqu engozini yomgwaqo kuR614 enhla noThongathi, KwaZulu-Natal.
Le ngozi enyantisa igazi yenzeke ngoLwesine ntambama.
Inkampani yonogada iReaction Unit South Africa (RUSA) eThongathi ifonelwe kuthiwa ayiphuthume kule ngozi.
Nebala uma befika bazithela phezu kweHyundai i10 icindezelwe iloli elithutha umoba.
Bude buduze nendawo yesigameko engaba amamitha angu-150 kutholakale iToyota Corrolla esilver ngombala nayi igingqikile.
Naye umshayeli ongowesifazane ubeseshonile.
Umshayeli weloli wazise iRUSA ukuthi lezi zimoto ezibandakanyeke engozini bezibheke emzileni owodwa.
IToyota Corolla ishayisane mahlanze neHyundai i10 yase iyiphushela emzileni ohamba kuwo iloli sabondwa sayekwa.
Ukushayela ngokunganaki namaphushana nje kungadala izingozi ikakhululazi kubashayeli banaloli
Lokhu kuvezwe isikhulu seMasterDrive, u-Eugene Herbert kwabezindaba.
“Ukungafundiswa ngokwanele nokungabi namava uma ubhekana nobungozi noma isimo sezulu esibhedayo kunciphisa ulwazi lomshayeli ukumelana nezingqinamba.
“Iphutha elifana nokuthi umshayeli angawuqondi umthwalo, ukungabi nesikhala esifanele phakathi kwakhe nemoto ayilandelayo noma ukunganaki kungaba nomphumela ongemuhle”
“Ejwayelekile wukunganaki emgwaqeni nokunciphisa isikhathi osidingayo ukugwema izinto eziyingozi. Kungaba ukushayela kube nokukuphazamisayo noma ukushayela wezela,”
Ukujikisa isiteringi mawala ngenxa yokunganaki kunobungozi njengejubane, kushintsha ikakhulukazi uma ulayishe mfi kwenza iloli lingabambeleli kahle emgwaqweni bese amathuba okugingqika abe makhulu,” kuchaza uHerbert.
NB: Marketing & Advertising WhatsApp/Call-073 062 1169
