Elamanqamu ngoLwesithathu kunyuka upetrol
Sihle Mkhize
Kuzoguga amaphakethe kubashayeli bezimoto njengoba ngoLwesithathu mhla ka-6 May 2026 unyuka upetrol nodiesel.
Uhlobo lwe-93 ne-95 wapetrol uzonyuka ngo R3.27 ilitha kuthi udiesel unyuke ngoR6.19 ilitha.
Kuthi uparaffin wona unyuke ngo R4.22 ilitha.
Lezi zindaba ezizogqobhoza iphakethe kubathengi nabasebenzisa ezokuthutha zimenyezelwe iDepartment of Petroleum and Mineral Resources ngoMsombuluko emini.
Lokhu kunyuka kwapetrol nodiesel kudalwa impi elokhu iqhubeka phakathi kwe-Iran ne-United Stated of America (USA).
Kuzokhumbuleka ukuthi izingxoxo phakathi kwalamazwe zifike kwangqingetshe emasontweni edlule.
Namanje iStrait of Hormuz okuyiyo ededela imikhumbi yamazwe ngamazwe ekuhwebeleni ngowoyela isalokhu ivaliwe.
Akubuzwa ukuthi izonyuka imali ekhokhwayo uma ugibela amatekisi nezinye izithuthi ezisetshenziswa umphakathi.
Abanye ososeshini banamathisela amaphepha ematekisini wabo nyenyanga edlule ayisaziso esiqale ngomhla ka-1 May mayelana nokunyuka kwemali yokugibela.
