Ababonwa nangokhalo abeChiefs esikwatini seBafana
Ababonwa nangokhalo abadlali beKaizer Chiefs, kwiBafana Bafana, ezodlala eyokungcweka ngesonto elizayo.
Umqeqeshi uHugo Broos, ohlose ukucija iqembu lesizwe ngaphambi kokudlalwa kweyokuhlungela iNdebe yoMhlaba, ukhethe ukufaka inqwaba yabadlali abasebancane.
Ukholwa wukuthi labadlai bazoba izinsika zeqembu kungekudala.
IBafana Bafana izodlala neTanzania ePeter Mokaba Stadium, eLimpopo, ngoLwesine bese idlale neMozambique ngemuva kwezinsuku ezine eLoftus Stadium, ePretoria.
Kuzohlanganwa neSonto ekhempini.
Cishe abaningi ngeke bakukhalele ukungabizwa kwabadlali beChiefs kwazise ayibanga nesizini egculisayo yize ikwazile ukunqoba indebe yeNedbank Cup.
Nokho iChiefs ihlulekile ukuqeda kwi Top 8.
Selilonke iqembu limi kanje;
Onozinti
Ricardo Goss (SuperSport United), Renaldo Leaner (Sekhukhune United), Sipho Chaine (Orlando Pirates)
Izitobha
Sydney Mobbie (SuperSport Utd, Khulumani Ndamane (TS Galaxy), Thabo Moloisane, Fawaaz Basadien (Stellenbosch), Nkosinathi Sibisi, Mbekezeli Mbokazi, Deano van Rooyen (Pirates), Samukelo Kabini (Molde)
Abaseswini
Simphiwe Selepe, Thalente Mbatha (Pirates), Luke Le Roux (Varnamo), Ndamulelo Maphangule (Polokwane City)
Abagadli
Relebohile Mofokeng, Mohau Nkota, Patrick Maswanganyi (Pirates), Yanela Mbuthuma (Richards Bay), Sinoxolo Kwayiba (Chippa United), Oswin Appollis (Polokwane City), Tshepang Moremi (AmaZulu), Ashley Cupido (Stellenbosch).
NB: Marketing & Advertising WhatsApp/Call-073 062 1169
