Luphumile usuku nge-Icebolethu Crown Gospel Music Awards
Umcimbi odonsa izindimbane zabathandi bomculo ikakhulukazi beGospel uphinde ubaklomelise usushintshe unyawo.
Ngesikhathi wethulwa ngoLwesithathu ngokusemthethweni lo mcimbi wesi-19th eCoastlands, eMhlanga, kuvele ukuthi usuzobizwa nge-Icebolethu Crown Gospel Music Awards.
UBishop Mpendulo Nkambule ongumyeni kaZanele nguye omemezele lobu budlelwano ne-Icebolethu.
“Lo msebenzi omkhulu kangaka owedolobha nezwe uqobo. Kuhlomula wonke umuntu kusukela kowenza ikhanda kuya kwizinzipho, abapenda ubuso njll,” usho kanje.
UDr Nomfundo Mcoyi-Zondo we-Icebolethu, ucele abantu abamnyama ukuthi bafunde ukubambisana bayeke ukucekelana phansi.
“Sicela nohulumeni angenelele axhase iCebolethu Crown Gospel Music Awards,” kubeka uNomfundo.
Wengeze ngokuthi yena kudala asebenzisana namaCrown.
Uthi usebenzisane nawo kusaphila umsunguli wawo uZanele “Mazet” Mbokazi obephinde abe ngumngani wakhe.
“Abantu bangabe sebethi uNomfundo uzothatha imsebenzi kaZanele,” kuphetha uNomfundo.
Lomcimbi uzokuba ngomhla ka-15 November e-International Convention Centre (ICC) eThekwini.
Labo abafisa ukungenela bangathumela kwilink esemthethweni yeCrown Gospel Music Awards kanti kuvalwa ngomhla ka-15 November 2026.
UZanele washona ngonyaka ka-2024 esibhedlela eThekwini exinwe yisifo somdlavuza.
Marketing and advertising Call or WhatsApp 073 062 1169
