Kugqame u-Ayanda Ntanzi kwimashi abanye bezivalele
Liyakhiza Mseleku
Uzidele amathambo umculi weGospel u-Ayanda Ntanzi eba yingxenye yeMarch and March eThekwini ngoLwesibili.
Ebuzwa abezindaba ukuthi akazozidalela yini amazinyo abushelelzi kwamanye amazwe e-Africa ngokuba yingxenye yale mashi uthe:
“Noma ngingaba yingxenye yayo noma ngizihlangule vele ngizoshayeka,”
“Into engenze ngibe lana yingoba iBhayibheli lithi singabadali boxolo, asikwazi ukwenza uxolo koTik Tok nako-Instagram. Kumele siye lapha phansi lapho kukhona abantu khona,”
“Labantu abamashayo namhlanje abakhombisa ukukhathazeka yibo kanye ababeke u-Ayanda Ntanzi lapho ekhona,”
“Uma bekwazi ukukhombisa injabulo kwisiphiwo sami, nami kumele ngizwelane nabo ebunzimeni ababhekene nabo,” kusho uNtanzi.
Elinye iciko ebelikhona kumbhikisho uDJ Chynaman wodumo lwengoma iXavatha uthe akumele babonakale uma benxenxa abantu ngoba befuna kuthengwe ama-album wabo.
Uthe ngaphambi kokuthi abe yiciko naye ungumhlali waseNingizimu Africa futhi izikhalo abantu abahlezi bezizwakalisa naye uzazi kahle.
Kumaciko aleli dolobha laseThekwini okuhamba phambili uDJ Tira ubengabonwa nangokhalo kwimashi.
Ekuqaleni kwenyanga kaJune uzithintele iziqandu uTira enxenxa abantu ukuthi baphume ngobuningi kuyovotwa ngomhla ka-4 November.
Abantu ezinkundleni zokuxhumana bamtshele emakhaleni ukuthi uthule du kuliwa nendaba yabantu bokufika kodwa ugijima esebatshela ngendaba yokuvota.
Marketing and advertising Call or WhatsApp 073 062 1169
