Uphenywe izinqa uHome Affairs wasoLundi
Liyakhiza Mseleku
Izidonsele amanzi ngomsele iDepartment of Home Affairs KwaZulu-Natal njengoba isematheni ngokukwazi ukuhlonza abantu abavela ngaphandle abangu-457 ukuthi banezimvumo.
Kwatholakala ababili kuphela abalapha ngokungemthetho.
Okuthusayo wukuthi lokhu ikwenze ngaphansi kwamahora amabili.
Kwenzeke lokhu eThekwini ngesikathi kunezidubedube zabantu bokufika abebeqhinqe eDiakonia befuna ukuvikelwa amaphoyisa ngenkani.
“Sinenkinga kaHome affairs wasoLundi kusetshezelwa elolini kungenwa ngo-8 kwenziwe abantu abalishumi, ngo-11 kungena enye ishift ezophuma ngo-2 nayo yenze abantu abalishumi, ”
“Amacomputer mabili kuphela, uma lina izulu noma libalele akukho mpheme liphelela eskhunjeni. Okubi kakhulu ke kuso leso simo akukho zindlu zangasese, awekho amanzi,”
“Abasebenzi ngeke sibasole abanazo izinsizwa. Kuyamangaza ke nokho ngoba uLundi lufana nekomkhulu lakwa Zulu nezikhulu zifika nsuku zaphuma.
“Ngisho uNdunankulu beso oNdini mhla ka-21/22 kuNhlangulana kubhaliselwa ukuvota oLundi namaphethelo, inqwaba yabantu abayosala ngaphandle,”
Siyacela kwiphathimandla zilubheke udaba lwas’ONdini, ” kukhala uSthembiso Phoseka.
