Isililo ukufa kugadla kobesakaza kuKhozi FM
Morgan Ngwazi
Sikhulu isililo ezinkundleni zokuxhumana kudlula emhlabeni owayengumsakazi woKhozi FM uMandla “Njinji” Magwaza.
UNjinji obeniminyanyaka yobudala engu-42 udlule emhlabeni ngoMgqibelo esibhedlela emva kokugula isikhashana.
Umndeni wakhe ukuqinisekisile ukuthi impela akasekho emhlabeni uNjinji.
“Umndeni wakwa Magwaza uhatheke kabi ngokudlula emhlabeni kwendodana, umfwethu, ubaba, umyeni nelunga lomndeni. UMandla udlule emhlabeni namhlanje (Mgqibelo) esesibhedlela emuva kokugula isikhashana”
“Umndeni ugqemeke udume lwengozi. Sicela ukunikwa isikhathi nathi sikwazi ukuzikhotha amanxeba njengoba sisahlanganisa amakhanda kulesi sikhathi esinzima kanje”
“Imininingwane ehlanganisa izinhlelo zomngcwabo zizokhishwa uma sekufike isikhathi. Umndeni uyakuthakasela uthando enilikhombisayo namazwi aqinisa idolo,” kubhalwe kwisitatimende.
Umsakazi woKhozi FM uTshatha Ngobe uzwakalise ukuphuka enhliziyweni ngalezi zindaba.
“Awu kodwa Njinji bafo 🙆🏾♂️😧💔💔💔💔” ubhale kanje ezinkundleni zokuxhumana.
“Ukhozi FM luzwakalisa ukudabuka okukhulu ngokudlula emhlabeni kowayengumsakazi aphinde abengu-Technical Producer uMandla Magwaza obedume ngelika “Njinji”
“Sithi dudu emndenini wakwaMagwaza, abangani, abasebenza naye nabalaleli bomsakazo Ukhozi FM. Umfana wakwaMahlabuyalingana, kwakhubalo limbiwa egcekeni💔”
“Ukulwile ukulwa okuhle, lala uphumule Mabhulubhense🕊” kubhala uKhozi FM ezinkundleni zokuxhumana.
#RIPNjinji #UkhoziFM
