Ezinye izigemegeme zabokufika eThekwini
Philasande Luthuli
Ubanjwe nezidakamizwa zenani lika-1 million owesilisa odabuka eNigeria.
Ithimba leMetro Police Tactical Support Unit ibambisene neSAPS KZN Counter Narcotics babhadame lomsolwa nezidakamizwa.
Uphenyo lokuqala libaholele emzini walo msolwa oseGreenwood Park, omunye useGlen Ashley.
Kutholakele iCrack cocaine, pure cocaine, izinsiza zukukhiqiza lesi sidakamizwa nemali engango R60 000.
Umsolwa akaqali ukuphambama nomthetho ngonyaka odlule waboshwa nezidakamizwa zenani lika R400 000 eboshwa yithimba elifanayo.
Ubanjwa nje lowesilisa imimoya iphezulu kubantu bakuleli njengoba bekhala ngabokufika abadayisa izidakamizwa kuleli nezinye izinhlobo eziningi zobugebengu.
Sekuze kwakapakelela ngasesikoleni njengoba ngoLwesithathu ntambama ibibhekene ngeziqu zamehlo e-Addington Primary School, eThekwini.
Impi iphakathi kwamaphoyisa nenhlangano iMarch and March esithole ukwesekwa i-Operation Dudula.
Kusukela ekuseni ayikho efuna ukugoba uphondo kubangwa ukuthi izingane zakuleli zibekwe phambili kunezangaphandle.
“Nina beSilo iMbube ingithunile, ngokuzwa imvunge la ngaphandle ukuthi kukhona okungabaphethe kahle kube kufanele ngoba kuzwakala sengathi abantu bokufika ikakhulukazi labo abahlezi ngokungemthetho sebesiphuze inyongo”
“Baze beqa bakhombisa indelelo kubantu bakwaZulu. Kuyaziwa ukuthi uhulumeni waphumela obala ukuthi abantu abakuleli lizwe ngokungemthetho nabadayisa izidakamizwa abenza konke okungalungile , usemkhankasweni wokuthi babuyele emakubo” kuphawula uPrince Thulani Zulu ngomlomo weSilo uMisizulu kaZwelithini.
