Udube isicelo sebheyili owaseSwatini osolwa ekubulaleni (6) eMlaza
Udube isicelo sebheyili umsolwa oboshwe esebalekile waze wayobhajwa eKrugersdorp esifundazweni saseGauteng ngoLwesihlanu mhla ka-4 July.
UMelusi Dlamini (28) ongowokudabuka eSwatini, ubhekene namacala ayisithupha okubulala, ukutholakala nesibhamu nezinhlamvu ezingekho emthethweni.
Ubevele eNkantolo yeMantshi yaseMlazi ngoMsombuluko, icala lakhe lihlehliselwe umhlaka-14 Agasti 2025.
Kuzokhumbuleka ukuthi kwathuka abaningi bevuka ngezindaba zokubulawa kwabantu abayisithupha esigcemeni sakwa-V eMlaza ngomhlaka-17 Agasti 2024.
Ngobusuku besigameko amadoda ayisithupha ayezihlalele ayephuza utshwala nabesifazane abathathu.
Kulapho ke kutheleka umsolwa nowayeshomene naye afuna ukuthenga ugwayi, kwathiwa abahambe ngoba akekho odayisayo ngaleso sikhathi.
Kuthiwa bahamba bajika endleleni babuya sebehlomile beyalela abesifazane abathathu ukuthi balale phansi mba njengoba bedubula izisulu zesilisa.
Nebala baduthulwa abagilwa abayisithupha bashonela endaweni yesigameko.
Uphenyo luveze ukuthi ukubulawa kwalaba bekuyisizathu sokuziphindiselela.
Ngokombiko weSolezwe kuthiwa abashonile, bebekhuluma isiXhosa, kuthiwa babekade belwa namaSwati ahlala kuyo le ndawo.
NB: Marketing & Advertising WhatsApp/Call-073 062 1169
