Uthole amadlelo aluhlaza kwaSABC oxoshwe iYFM
Sane Mseleku
UTHOLE amadlelo aluhlaza umsakazi oxoshwe kwiYFM. UMncedisi Sindane uchithwe yilesi siteshi ngezinsolo zokuthi ubesekwazi ukwenza sengathi usemsakazweni nomculo udlala kanti cha.
Imithombo yePurpose eseGoli ithi ubekwenza lokho ezihlalele ekhaya kubo noma ezipholele nabangani. UMncedisi ubeshayela uhlelo lwango Mgqibelo ekuseni iThe Saturday Ritual kusukela ngo 6-9 ekuseni.
“Ngijabule ngiyafa ukunazisa ukuthi ngijoyina ithimba leTrendz LIVE. Ungalenzi iphutha namhlanje. Uhlelo luzobe lushisa, ngizobe ngiphethe uNomcebo Zikode osanda kunqoba indodo yamaGrammy,” usho kanje.
Lolu hlelo luzoqala namhlanje kusukela ngo 8 ubusuku kwiChannel 404.
IYFM iyaziwa ngokukhiqiza abasakazi abanohlonze okubalwa uDJ Sbu osanda kuqashwa iRadio 2000.
UDJ Sbu exoxa kulo msakazo uthe wake waxoshwa waphinde wabuyiselwa kwiYFM, kwenzeka okufanayo makwaSABC exoshwa iMetro FM njengoba esebuyiswe iRadio 2000. Uthe ufundile emaphutheni wakhe ayewenza esemncane futhi ngeke esawaphinda.
