Kuzoboshwa umsolwa wesibili ngecala elithinta uNosiviwe Mapisa-Nqakula

Liya Singela

Inkantolo kaMantshi yasePitoli ithi kuzoboshwa umsolwa wesibili mayelana necala lenkohlakalo elithinta uNosiviwe Mapisa-Nqakula.

Uboshwa nje, ubesanda kusula ekubeni uSomlomo wePhalamende ukuze abhekane ngqo namacala. Inkantolo ibifuna uR100 000 webheyili kodwa abameli bamncengela wagcina ekhishwe ngoR50 000. UMapisa-Nqakula uvukelwe esisiswini njengotshwala amacala angu-12 enkohlakalo asolwa kuwo ngesikhathi enguNgqongqoshe wezokuVikela. Kuthiwa wahlomula kungafanele ngesamba semali engaphezu kwaR4.5 million kwinkontileka esiphenduke ufakazi wombuso.

Phakathi kwabantu abebezoseka uMapisa-Nqakula enkantolo kugqame uBaleka Mbete, Charles Nqakula ongumyeni kaNosiviwe nabanye.
Icala libe selihlehliselwa umhla ka-04 Juni kulo nyaka.