Unkosikazi weJaji uliyalele ukuthi alizehlise esizweni
Aphe Gcwabe
IJaji eliqula icala lokubulawa kwaSenzo Meyiwa uRatha Mokgoatlheng uzehlisile esizweni wacela uxolo ngamagama acwasayo.
“Kunento okumele sidlule kuyona ngithemba ukuthi sonke siyawafunda amaphepha”
“Kuhle ukuthi ngidlule kulokhu, empeleni ngifuna ukusho ukuthi sengibe sebhentshini iminyaka engu-26 ngiyibamba ngiphinde ngibe ijaji”
“Angikaze ngoziphathe ngaleya ndlela. Sengibe ummeli ominyaka engu-30 ngaphambi kokuba yijaji” usho kanje.
“Ngikhulumile noJudge President (JP) naye akayithandanga indlela engiziphathe ngayo. Indlela engenza ngayo yashiya imibuzo”
“Nonkosikazi wami imbala umuntu ebengicabanga ukuthi uyangisaba ungitshele ukuthi kumele ngixolise esizweni ngoba ngenze isenzo esibi esidlula esabammeli abantshontsha imali yakwaRAF kumakhasimende wabo”
U-Advocate Charles Mnisi ugcine ewugijimile wawuqeda umqhudelwano i-2025 Comrades Marathon.
Ushaye isikhathi esingamahora ayishumi, imizuzu engu-42 nemizuzwana emie, esuka eMgungudlovu ukuyofika eThekwini.
Lokhu kuza emuva kokungaboni ngaso linye neJaji uMokgoathleng elakhombisa ukungayizwa eyokungenela kwaMnisi umjaho.
NgoLwesihlanu kwasuka umsindo ngesikhathi iJaji lithola incwadi evela kuRegistrar ibika ukuthi uMnisi ngeke aphumelele enkantolo.
Lokhu kungenxa yokuthi wayezobe eshayela ebuya ngoMsombuluko okulindeleke ukuthi abe senkantolo ngawo.
Inhlangano yabammeli abamnyama iBlack Lawyers Association (BLA) iyikhahlele ngazo zombili indaba kaMokgoatlheng, ethe lesi senzo sakhe sokuhlasela abammeli abamnyama asamukelekile.
“INational Executive Committee of the BLA ikubeka obala ukuthi ayihambisani nenkulumo yeJaji uMokgoatlheng yokuhlezi eqhathanisa abamhlophe nabamnyama ikakhululazi enkantolo,” kusho unobhala jikelele weBLA,” uTakalani Chris Mamathuntsha.
Uqhube ngokuthi abammeli abamnyama bakwazi ukwenza izinto zenzeke futhi izinga labo liphezulu emsebenzini.
Kuzokhumbuleka ukuthi uMnisi umele abamangalelwa ababili, okowokuqala nowesibili.
NB: Marketing & Advertising WhatsApp/Call-073 062 1169
