Ukhozi FM luqoke umphathi omusha
Phumlani Dube
Ukhozi FM lumemezela ukuqokwa komphathi omusha emkhakheni wezokumaketha (Marketing Manager), uNksz Ziphelele Ndokweni.
UNdokweni uletha ubuciko, umbono ocophelelayo, kanye nengcebo yolwazi olunzulu emsebenzini wakhe, njengoba enesipiliyoni esingaphezu kweminyaka eyi-18 emkhakheni wezokuxhumana kanye nezokumaketha.
Usebenze ezindaweni ezahlukene, kusukela ku-East Coast Radio naku-Gagasi FM, kuya e-Mediamark nase-Brandsphere Media.
Ekhuluma ngalesi siqalo esisha, uMphathi wokhozi FM, uLwazi Mthabela, uthe ukuqashwa kukaNdokweni kuveza isahluko esisha sokusungula izinto ezintsha,kanye nokukhulisa nabaleli.
Khonamanjalo, sekusukile lokho akwaziwa ukuthi isiteki sengoma ehlukanisa unyaka siyolala kuphi.
Ukuvota u-SMS igama elithi “INGOMA” kanye nohlamvu lwengoma oyikhethayo ku-32253.
Ukuvota kuvalwa ngomhla ka-31 December ngo-12 emini.
I-SMS ibiza R1.50, ama SMS amahhala awasebenzi, kunemigomo nemibandela.
Ngokuvotela ingoma oyithandayo, uzibeka ethubeni lokuwina ingxenye ka-R200 000.
Ingoma ehlukanise unyaka izowina unyanyavu lwemoto.
