Udume lwengozi kushiya isithenjwa kwi-EFF
IQEMBU le-EFF seliphinde lagqemeka olunye udume lwengozi kusula uFana Mokoena ephalamende.
Sekungokwesibili lo sopolotiki ozakhele igama eNingizimu Africa ekulingiseni kwimidlalo yethelevishini eshiya ePhalamende.
Okokuqala waba yilunga lePhalamende eqenjini le-EFF ngoMayi 2014. Ngaleso sikhathi wayemele leli qembu kwiNational Council yezifundazwe.
Emuva kwalokho wangena kwiNational Assembly ngo-Agasti 2016 wahlala wasula ngo-Okthoba 2020.
“Singakuqinisekisa ukuthi uSomlomo uyitholile incwadi yokwesula kwaMnuz Mokoena,” kuqinisekisa uMoloto Mothapo okhulumela iPhalamende ngoLwesine.
UMokoena wabuyela ePhalamende ngoJuni kulo nyaka emuva kkhetho lukazwelonke.
Uphathe uMnyango kwezemidlalo, ezamaSiko, ezoHwebo neminye eminingi.
Ushiya nje uMokoena ekuqaleni kwesonto kusule u-Advocate Busisiwe Mkhwebane nokusolise ukuthi uzojoyina MK Party.
Okhulumela iMK ohlelweni Abasiki Bebunda kuKhozi FM uthe vele umkhwenyana ka-Adv Mkhwebane uyilunga le-MK.
Ngaleyo ndlela ubeshelwa endlini ukuthi akashiye kwi-EFF “aqome” endlini.
Osopolitiki okubalwa uFloyd Shivambu owagixabezwa MK Ngesikhundla sokuba umdidiyeli weqembu kuzwelonke.