Owokufika ecaleni lokubulala ingane ena-6

UMPHAKATHI wase-Orlando East obudinwe uveva uhlome ngezinduku, amawisa nezimvubu uhlangane ngaphandle kwasepolice station, ngoLwesithathu ufuna ubulungiswa.

Lokhu kulandela ukubulawa kwentombazanyane u-Amantle Samane oneminyaka eyisithupha ubudala.

Lo mphakathi ububhikisha uphethe izingqwembe ezibhalwe “Justice for  Asemahle” okuchaza ukuthi bafuna ubulungiswa ka-Asemahle.

Bebebhikisha ngaphandle kwe-Orlando Police Station.

Kwenzeka lokhu nje umphakathi uvala izitolo ufuna kugodukiswe abantu bokuhamba abakuleli ngokungemthetho.

Abantu bakuleli bavutha bhe emuva kokutholakala ukuthi umsolwa kuleli cala uPethe Sara Simiao ongowukudabuka eMozambique..

Selokhu kusuke uthuli lweZichwe emini yantambama sekuze kwatshalwa inqwaba yamaphoyisa aqaphe isango lePolice Station ukuthi kungasondeli muntu.

Kwenzeka lesi sigameko nje abaholi bamphakathi wase-Ethopia ozinze eMbalenhle, eMpumalanga unikele ngezimpahla ezibiza inani lika-R10 000.

Bebenikela kubafundi bakamatric e-KI Twala naseThomas Nhlabthi Secondary School.

Ikhansela lakule ndawo ekuWard 13 uCT Makhado  ubashayele ihlombe abantu bokuhamba nakuba kungabantu abahlale bebukwa kabi.

Kube negidigidi njengoba lesi senzo sikhombise Ubuntu phakathi kwabaseMzansi nabaseTopiya.