Kugcine kumnqobile ukufa uMnuz Pravin Gordhan

Philasande Luthuli

USEDLULILE emhlabeni uMnuz Pravin Gordhan (75) obeNgungqongqoshe kwiKhabinethi kahulumeni waseNingizimu-Africa.

Ungeniswe esibhedlela ekuqaleni kwaleli sonto kukubi.

Uke waqhoqhobala izikhundla kuhulumeni okubalwa Minister of Finance, Cooperative Governance and Traditional Affairs and Public Enterprises.

UGordhan uke waba uKhomishana kaSARS commissioner iminyaka eyishumi.

Ufa nje ubesethathe umhlalaphansi emuva kokhetho lukazwelonke ngo-Ephreli.

Uhambe emhlabeni ngoLwesihlanu ntathakusa esibhedlela ezungezwe abangani, umndeni nabaseqenjini lepolitiki i-ANC.

UGordhan waqokwa okokuqala esikhundleni sobuNgqongqoshe wezezimali uMnuz Jacob Zuma ngo2009-2014.

Ngonyaka olandelayo waphinda wabuyela eMnyangweni wezezimali emuva kokungena esikhundleni sikaDavid Douglas “Des” van Rooyen owaqhoqhobala lesi sikhundla izinsuku ezine kuphela.

Ngo-2018 wabe esephinda eqokwa Gordhan uMengameli uCyril Ramaphosa ukuba abe uNgqongqoshe wamabhizinisi kaHulumeni.

Ushiye emhlabeni unkosikazi wakhe uVanitha namadodakazi amabili u-Anisha noPriyesha.

Umndeni ukhiphe isitatimende ucela ukuthi unikwe isikhathi ngasese ukubhekana nalesi simo sokudlula kwenhloko yekhaya.

Izinhlelo zomngcwabo zizokwaziswa abezindaba nomphakathi ngaphansi kwe-Ahmed Kathranda Foundation.