Kuboshwe intombi enukwa kumavideo ocansi lwezingane
Bahle Mkhize
AMAPHOYISA asebophe intombi kaDarryn Wilken’s ongumsolwa otholakale nenqwaba yezithombe zocansi lwezingane eMidrand, eGoli, emuva kophenyo olunzulu.
Amaphoyisa abhadame lo wesifazane oneminyaka engu-25 ubudala eHoughton, eGoli ngoLwesine.
Le ntombi kaWilken’s iyiweb designer ngokomsebenzi kanti izobhekana namacala okutholakala nezithombe zoncasi lwezingane nokushintshisana ngemali.
Ukuboshwa kwalo wesifazane kulandela ukuvalelwa kwesoka lakhe elineminyaka engu-35 ubudala.
Lo msolwa uboshiwe ngesonto eledlule ngesikhathi kuhlangene iNational and Gauteng provincial Serial and Electronic Crime Investigations (SECI) Units eMidrand.
Uphenyo olunzulu olwenziwe iSECI Units liveze obala ubufakazi obuhlanganisa lo wesifazane nezenzo zobugebengu okuhlanganisa izithombe namavideo ocansi lwezingane abalelwa ku-10 million.
Konke lokhu kutholakale ngoLwesihlanu ezintweni ezahlukene ezisetshinziswa ngogesi.
Kulindelwe ukuthi umsolwa avele enkantolo yaseRandburg ngoMsombuluko.
Uphenyo lusaqhubeka.
