Ithemba lokuya kweyokuhlunga abagqigqa izinkantolo kwi-ABC Motsepe League
Siwe Shozi
IQEMBU elidlala kwi-ABC Motsepe League e-Eastern Cape iSinenkani FC lithi eyabo neFC Raverns egijima esigabeni esifanayo ayikapheli njengoba befakane enkantolo.
La maqembu womabili abanga ukuthi ubani ongahle azibekele indawo emidlalweni yokuhlunga ebizwa ngokuthi amaPlayoffs. Lapho kusuke kuhlangene amaqembu ezifundazwe zase Ningizimu Africa eziyisishiyagalolunye ukuze kuphume amaqembu amabili asuke ezokwazi ukuzibekela indawo kuMotsepe League Foundation.
Eyala maqembu namanje iseyindida yize iSAFA yese Eastern Cape isecacisile ukuthi isinqumo abasikhiphile sivuna iFC Raverns, babe sebeyigixabeza ngamaphuzu amathathu. Izolo kube sekubonakala ezinkundleni zokuxhumana iSinenkani FC ibhale ukuthi abaneme ngesinqumo esikhishwe iSAFA ngakho ke basazoxoxa nommeli wabo mayelana nalolu daba.
Ngolwesibili iSAFA yase-Eastern Cape ibe isiqinisekisa nosuku ekuzodlalwa ngalo umdlalo ozocacisa ukuthi iliphi iqembu elizobamela kuma Playoffs azwelonke. Bekuthiwe embikweni okhishwe iqembu iFC Raverns kanye neqembu leHighbury FC elibengo shampeni baku Stream B umdlalo uzoba ngeSonto ngehora lokuqala ntambama. Inkundla eSisa Dukashe Stadium.
Amanye amaqembu esekuqinisekisiwe ukuthi ayaya kule midlalo iNjampela FC yakhona kwaZulu-Natal, Kruger United Boys yaseMpumalanga kanye neqembu elithandwa kakhulu futhi kulesi sigaba Saku ABC Motsepe League iDondol Stars yase Gauteng. Ezinye izifundazwe zisalinde kuqulwe amacala bese kuthi isifundazwe saseNorth West nesase Limpopo zizoba noshampeni ngayo nje impelasonto esiyakuyo njengayo i-Eastern Cape uma kugcina kungekho zinguquko ezingagcina zivuna iSinenkani FC.
