Injabulo iChiefs inqoba okokuqala onyakeni
IKAIZER Chiefs inqobe okokuqala kulo nyaka ihlula ngo 2-1 iStellenbosch FC eFNB Stadium ngoLwesithathu ebusuku.
IStellies iyona eshaye igoli kuqala, yahamba phambili ngomzuzu ka-20 ngesikhathi uKhomotjo Lekholoane esebenzisa iphutha leChiefs.
UWandile Duba ubuyisele Amakhosi emdlalweni ngomzuzu ka-28, engqofela enethini ibhola ebeligotshwe uThatayaone Ditlhokwe.
UDuba ube eseshaya elesibili ngomzuzu ka-57 ngemuva kokugqashula kumgogo obucushwe yiStellies.
Yize iStellies izamile ukubuya, ifice iChiefs ingenawo umusa njengoba beyingafuni ukuphoxa kudliwa eNaturena.
Leli qembu elasungulwa ngoJanuwari 7 ngo-1970, beligubha iminyaka engu-55 ngoLwesibili, lijabulise abalandeli ngokubuya selilandela ngemuva.
Amakhosi aphendula ngamagoli ashaywe nguWandile Duba ngokwehlukana kweziwombe.
IChiefs ibibheke ukuvuka kulandela ukuguqiswa yiCape Town City ngo 1-0 kowakamuva weligi, kanti iStellies yagcina ibambane ngo 1-1 neSuperSport United.
UBradley Cross umoshe ithuba lokubeka phambili iqembu likaNasreddine Nabi ngomzuzu wesihlanu kodwa wakha amabhilidi esebhekene nepali.
IStellies ihambe phambili ngegoli elishaywe nguKhomotjo Lekoloane esiwombeni sokuqala, Amakhosi aphendula ngamagoli ashaywe nguWandile Duba ngokwehlukana kweziwombe.
IChiefs ibibheke ukuvuka kulandela ukuguqiswa yiCape Town City ngo 1-0 kowakamuva weligi, kanti iStellies yagcina ibambane ngo 1-1 neSuperSport United.
UBradley Cross umoshe ithuba lokubeka phambili iqembu likaNasreddine Nabi ngomzuzu wesihlanu kodwa wakha amabhilidi esebhekene nepali.
Ukuhluleka kukaCross noDitlhokwe ukukhipha ibhola emuva ngomzuzu ka-20 kuholele ekutheni iStellies sithole igoli. UJayden Adams uthole uDevin Titus kwesokudlala ebhokisini, waligobela uLekoloane, olinamathisele enethini.
