‘Awazokuba nazwelo amaphoyisa amasha kwiziphulamthetho’
Sihle Mkhize
Aphothulile amathwasa amasha azobhekana nomsebenzi wokubhekana ngqo nezephulamthetho emgaqweni yakwaZulu-Natal.
NgoLwesine inkundla i-Athletic, eMgungundlovu ibisakhakhi kuthe shaye la mathwasa abezophothula.
Asewonke abalelwa ku-177, abesilisa abangu-120 kanye nabesifazane abangu-57 kuthiwa izinganloluphasa kwabo lifinyelele ku-89%.
UNgqongqoshe wezokuThutha nokuHlaliswa kwabantu uMnuz Siboniso Duma uwathwele ngeqoma la maphoyisa ukuthi azofuqa umkhankaso iZero Tolerance, Alufakwa neNo Nonsense Campaign.
“Ngaphezu kweminyaka engu-30 wenkuleko amaphoyisa wethu angaphezu kwa-177 azothatha umkhankaso wethu uwubele kwelinye izinga,” kuphawula uDuma.
“Nginike leli thimba umsebenzi wokuthi babophe bonke abashayeli abashayela budedengu nalabo ababeka izimpilo nabanye engcupheni ngokushayela bedakiwe,” kuqhuba uDuma.
Sikhuluma nje iPurpose ngoMsombuluko ibhale ngokuboshwa kwadokotela obanjwe eshayela bedakiwe emgaqweni yasePortshepstone abahlengikazi abathathu nekhansela ngempelasonto.
UDokoteka usebenza esibhedlela sendawo iPort Shepstone Regional hospital.
Amaphoyisa aphinde abamba omunye uzakwabo osebenzela iPort Shepstone Police station obedakwe engazazi negama lakhe naye.
Naye ubekwe icala lokuzama ukubaleka ukuboshwa.
Kulokhu kuboshwa kwezephulamthetho uMnyango wezokuThutha nokuHlaliswa kwabantu uzwakalise ukukhathazeka ngabasebenzi bezempilo okuyibo abaqonda kancono ngezingozi ezidalwa utshwala emgaqweni.
Ngokwezibalo zakamuva kuvela ukuthi izingozi kuleli zidla imali engango R165 billion.
Ngokwesabelo zimali ku2022/23 iRoad Accident Fund (RAF) ikhokhe uR22 billion kubantu.
