Ziphelile izinkomo zabantu amasela

Bahle Mkhize 

Kuboshwe abasolwa ababili ababanjwe oqotsheni nenyama yenkomo esihlinziwe nengabiza inani elingango R100 000.

Laba besilisa baneminya engu-38 ubudala kanti babanjwe phakathi komgwaqo uLeslie noDevon kuN17.

Lesi sigameko senzeke ezintatha zangoLwesibili.

Amalunga eCrime Prevention eLeslie ahlanganise uphenyo avala imigwaqo esesha kwasani emgaqweni uN17.

Abakwasidlodlo baqaphele imoto enguhlobo lweBakkie inezinombolo zaseGoli intweza ibheke ngaseDevon.

Abazange basacucuza abakwasidlodlo bayimisa bayisesha.

Bafice izinkomo ezinhlanu sezihlinziwe imoto igcwele notshani.

Umshayeli uma ebuzwa ngale nyama engaka kuthiwa uvukwe amalimu wangingiza.

Lamadoda abe esefaswa ozankosi abekwa amacala okweba imfuyo.

Inyama igcine ivalelwe esiteshini samaphoyisa kanye nemoto ukuze kuqhutshekwe nophenyo.

Labasolwa ababili balindeleke ukuthi bavele eLeslie Periodical Court maduze.